Nin sheegtay inuu yahay nebi, kana sii horreeyay saadaal muran dhalisay oo uu ku sheegay in dunidu dhammaanayso Maalinta Kirismaska, ayaa wararku sheegayaan inuu si lama filaan ah uga baxay qorshayaashiisii uu ku dhisayay “doonyo badbaado” kaddib markii la arkay isaga oo ka qeyb galaya riwaayad uu qabtay fanaan rap ah oo caan ka ah caalamka.
Ninkaan ayaa horay baraha bulshada iyo warbaahinta uga faafiyay digniino ku saabsan dhammaadka dunida, isagoo ku booriyay taageerayaashiisa inay ku biiraan mashruuca doonyaha badbaadada si ay uga badbaadaan masiibo uu saadaaliyay. Taageerayaal badan ayaa la sheegay inay lacag iyo waqti ku bixiyeen mashruucaasi.
Si kastaba ha ahaatee, kaddib markii Kirismaskii la saadaaliyay uu dhaafay iyada oo aysan wax masiibo ah dhicin, sawirro iyo muuqaallo lagu arkay ninkaan oo ku sugan riwaayad muusig ayaa si weyn ugu faafay baraha bulshada, taas oo dhalisay su’aalo iyo dhaleeceyn xooggan.
Arintaan ayaa mar kale soo cusboonaysiisay doodda ku saabsan khatarta saadaalaha been abuurka ah iyo saameynta ay ku yeelan karaan bulshada.
0 Comments